සෙල්ලම් පිස්තොල සහ මෙරට තුල ඇතිවන ගෝත්‍රිකරණය

 මුඛ පරම්පාරවෙන් ගෙන එනු ලැබු මම ඔයාට ආදරේ කියන වචන සහ දින ගණන් හිත හිතා ලියපු ආදර හසුන් අප සමාජයෙන් ඈත් වෙමින් පවතින සමයක පත්තර පිටු පිරේනකම් දකින්ට ලැබෙන්නේ අමානුෂික මිනිමැරුම් සහ ලිංගික වදහින්සනයනය .පියා සහ දියණිය අතර සම්භන්දය මෙන්ම ගුරුවරුන් හා සිසු සිසුවියන් අතරද නිර්මාණය වි ඇත්තේ දුක්මුසු කතන්දරය.අනියම් සබදකම් හමුවේ ඝාතන දිනෙන් දින වැඩිවේ.

මේ දිනවල පත්තර පිටු පුරවන්නට මේ කතා මුලික වී තිබුම හමුවේ සමාජයේ අති විශාල බිදවැටිමක් දක්නට ලැබේ.මනසින් උසස් වු මිනිසා දිනෙන් දින ගෝත්‍රික සමජයෙන් ඈත් විය යුතු බව පැවසුවද අපහට දක්නට අසන්නට ලැබෙනුයේ ඊට හාත්පසින්ම වෙනස් වු සිද්ධින්ය.

සර්ව ආගමික සංහිදියාවක් ඇති මෙරට තුල ආගමානු කුල විවරණයක් දක්නට නැති තරම්ය.උප්පැන්නයෙන් තමන් උපන් ආගම ගැන කතා කරන මිනිසුන් ආගම ආභරණයක් පමනක් කර ගෙන සිටින බවක පමනක් පෙනෙන්නට තිබේ.මේතරම් බණ කියන බණ අහන සමාජයක් වල්මත් විම පුදුම සහගතය.පුවත් පත් වල වර්තා වන සිද්ධින් අප හට දැනේන අකාරය පිළිබද විමසුමක් කල යුතුය පුවත් පත් තුල එම සිද්ධිවාර්තා විම හමුවේ රටේ පවතින නීති තව දුරටත් ශක්මත් වනවාද නොමැති නම් ලිහිල් වනවාද සිතාගැනිමට බැරිය.මෙවැනි දුක්මුසු පුවත් හමුවේ සමාජය දැනුවත් වි එයට විසදුම දියයුතු වුවද එසේ වන්නේ නැත. දිනෙන් දින අමානුෂික සිද්ධින් වාර්තා විම වැඩි වී තිබේ.

පසුගිය දින කිපයතුල ගුරුවරියක් විසින් තම පාසලේ අවුරුදු 13ක සිසුවෙකුට අයුතු ආරාධනයක් කිරිමත් වයස අවුරුදු හතලිහක් පමන ගුරුවරයෙකු තමා විසින් උගන්වනු ලබන සිසුවියකගේ නිදන කාමරයට පැන ළමා අපචාරයන් සිදු කිරිමත් පුදුම සහගතය.මාස ගණනාවක් තම ලේ කිරිකර පොවා හැදු දරුවා අනාගතයේ හොද පුරවැසියෙකු කරලිම සදහා විශ්වාසයෙන් ගුරුවරුන් හට භාර කිරිමත් ඒ ගුරුවරයා එම දරුවා අපචාරයනට ගොදුරු කිරිමත් තිත්ත කොළමක් බවට පත් වන කරුනක්ව ඇත.

අද වන විට ටියුෂන් පංතියට තම දරුවා නොයනවා නම් විභාගය සමත්විම අපහසු බව මතයක්ව පවති.මේ මතය නිරිමාණය විම හමුවේ මෙරට පාසල් දරුවා සුරක්ෂිත භාවයෙන් මිදි අනාරක්ෂිතවිම නිර්මාණය වේ. පෞද්ගලික පංතිකාරයන යන දරුවා පිළිබද සොයන්නට දෙමාපියන්ට වේලාවක් නැත ,නැතිනම් ළමයා නිවසේදි දෙමාපියන් හමුවේ දැඩි විශ්වාෂයක් ගොඩ නගා ගැනිම හමුවේ දරුවා පිළිබද නොසොයා සිටින්නට පුරුදුව තිබේ.නමුත් අහිංසක අංගුලිමාල බවට පත්කිරිම සිදුවුයේ ගුරුවරයා විසින් බව අප සාමාජයට අමතකව ඇත.මෙරට නිදහස් අද්‍යාපනය හමුවේ ගුරුවරයා විසින් පාසලේදි උගන්වන විෂය නිර්දේශය පාසලෙන් පිටතදි උගැන්වු විට ඉගනිමට ලැබෙන බලයත් පාසල තුල එම තත්ත්වය නොමැති විමත් පුදුම සාහගතය.විභාග දෙපාර්තමේන්තුව ප්‍රශ්ණ පත්‍ර සකසණුයේ බාහිර පංති පවත් වන ගුරුවරුන්ගේ නිර්දේශයට අනුව බව පසක් කරමින් මෙරට අධ්‍යාපනය පාසලෙන ගිලිහේමින් පවති.එම තත්ත්වය රැල්ලක බවට පත් විම හමුවේ පෞද්ගලික කරණය වු පාසල් සමාජයක් ඉබේ ගොඩනැගි ඇති අයුරු දක්නට ලැබේ.මෙම තත්ත්වය හමුවේ හුදෙකලා වන පාසල් සිසු සිසුවියන් තම ළමා ජිවිතය වැඩිහිටියෙකු බවට පත් කර ගනිමින් අකලට වැඩෙන මිනිසෙක් වට පතව තිබේ.

අද වන විට කුඩා කාමර කිපයක් නිර්මාණය කර ගත් හෝටල් හිමියන් සහ මහමග සිටින ත්‍රිවිල රථ රියදුරන් පාසල් යන යෝවුන් වයසේ සිටින දරුවන් හට තම නිදහස සොයා යමට ඉතා සැලකිල්ලෙන් උදව් උපකාර කරනු ලබයි. මහමග යන අයට පෙනෙන මෙම සිදු විම් නිවසේ සිටින දෙමාපියන් දැන ගන්නා විට සියල්ල සිදුවී හමාරය .එය බොහොවිට දැන ගනුයේ විභාගයෙන් අසමත් විම හේ නොමැති නම් වෙනත් භයානක සිදුවිමකට පසුවය.අතිතයෙදි මෙරට ආදරය ගම්පෙරලියේ පියල්ට සහ නන්දා අතර වු ලිපි හුවමාරුවක් බවට පත්ව සියල්ල බුද්ධිගොචර සමාජයක සිද්ධියක් බවට පමනක් පත් විය.විටෙක එය ගොළු හදවත නවකතාවට සිමාවුවක් විය .සමාජ පෙදු නිගමනයක් බවට ඒ ආදරය පත් වු බව එදා ආදරය කලවුන් දනි.අද එය එස්. එම්. එස් .එකක් බවට පත්ව කාමරයක් සොයා යන්නාවු ලිංගිකතවයක් බවට පත්ව තිබේ.ජංගම දුරකථන භාවිතය සුදුවක් බවට පාසල ළමුන් අතර ප්‍රචලිතය .ව්‍යපාරිකයෙකුට හෝ යම් නිළධාරියෙකු හට ජංගම දුරකථනය බොහොවිට වැදගත්වේ .නමුදු පාසල් යන වයසේ ළමුන් හට විවිධ වු මාදිලියේ දුරකථන ලබා දෙන මව්වරුන් පියවරුන් ගැන නිර්වචනය කල නොහැක.එය පාසල් සිසුවෙකු තම ජිවිතයම අදුරු කර ගන්නා සුන්දර මෙවලමක් බවට පත්ව ඇත.

මෙම සමාජ විලම්භිත හමුවේ අනාගත පරපුර රැකගැනිමට කුමක් කල යුතුද යන්න මේ වන විටත් කිසිවෙකුත් සිතා නොමැති බව අපහට හැගෙ.

පංසල පල්ලිය පාසල මහමග තම දරුවා ගිලගන්නාවු සමාජ පද්ධතියක් බිහිවිම හමුවේ නිහඩව සිටින අප මැයි දිනයට කම්කරුවන්ට හිමි නමුත් එහි බුක්තිය දේශපාන පක්ෂයකට සින්නකර කෑ ගසන්නාක් මෙන් පඩි වැඩිකරපියව් කියමින් හඩනගන සමාජයක අප රටේ දිනෙන් දින සිදුවන අපරාධ අඩු කරපියව් කියන පිරිසක් බිහිවි නැත.විශ්වවිද්‍යාල වල සිටින නිදිමත හැදෙනකම්  දේශන තියන ආචාර්යවරුන්ද මෙම ප්‍රශ්ණයේදි මගහැර ගොස් ඇත.සමහර ටියුෂන් මාස්ටර්ලා මේ ගැන කතා කරන්නේ නැත. කතා කරන්නේ ආදරය සුන්දර වරදක් පමනක් බව පවසා දෙපැත්ත කැපෙන කුණුහරුපයක්ද උගන්වමින්.

පාසල හැරුණු විට ආරක්ෂක අංශවල නිළධාරින් වෙනුවෙන් වෙනම මිනිමැරුම් වාර්තාවේ.යුද්ධය නිමා විමත් සමග රටේ කොතනක හෝ කැපිම් කෙටිම් පිටුපස පොලාසිය හෝ ත්‍රිවිද හමුදාවේ නමක් ගෑවි තිබිම සාමාන්‍ය සිද්ධියකි.රට යන අත නිර්වචනය වන විට රට පුරා මාර්ග පද්ධතින් ඇතුළු භෞතික සාධක සංවර්ධනය වේ එනමුත් මෙරට ජනතාවගේ මිනිස් මනස විකාර වී යක්ෂයා ආරුඩව ඇත.

හෙට දිනයෙදි දකින්නට අහන්නට ලැබෙනුයේ මෙවන් සිදුවිම් නම් ශිෂ්ඨ සම්පන්න සමාජයකට නිදහස් අධ්‍යාපනය තුලින් උගන්වා ලබන ප්‍රථිපලය මෙය විය හැකිද. රටට ආදරය කරණ ලංකිය ජනතාවක් තම ගමට ජනතාවට ආදරයකරන පරිසරයක් පවුල තුල විශ්වාසය ගොඩ නැගිමක් හොද නරක හදුනා ගත හැකි වැඩිහිටි පරපුරක් හදන ක්‍රමයක් අපට උවමනා කර තිබේ.

මෙරට සංවර්ධනයට භෞතික සාධක පමනක් නිර්මාණය විම පමනක් සැහෙද යන්න විමසා බැලිමට සියළු දෙනාහට ප්‍රඥාව පැදේවා.